सिन्धुलीमा लोहोरो प्रहार गरी श्रीमतीको हत्या, श्रीमान पक्राउ

Nov 17, 2026 - 11:02
 0  5
सिन्धुलीमा लोहोरो प्रहार गरी श्रीमतीको हत्या, श्रीमान पक्राउ

ईर्साद अन्सारी

१ मंसिर,सिन्धुली । सिन्धुलीमा सामान्य विवादका क्रममा श्रीमानले ढुङ्गाको लोहोरोले टाउकोमा प्रहार गर्दा श्रीमतीको मृत्यु भएको छ । 

घटनामा संलग्न रहेको आरोपमा प्रहरीले श्रीमानलाई नियन्त्रणमा लिएको छ । जिल्लाको कमलामाई नगरपालिका–१० डाँडाटोलमा सोमबार राति करिब १ बजे उक्त घटना भएको हो ।

 प्रहरीका अनुसार करिब ४२ वर्षीय मनोज कार्कीले सामान्य विवादका क्रममा आफ्नै श्रीमती ४० वर्षीया सानुकुमारी कार्कीको टाउकोमा ढुङ्गाको लोहोरोले प्रहार गरेका थिए ।

 लोहोरोको प्रहारबाट गम्भीर घाइते भएकी सानुकुमारीको मृत्यु भएको प्रहरीले जनाएको छ । घटनाबारे राति १ बजेर १५ मिनेटमा जानकारी प्राप्त हुनासाथ इलाका प्रहरी कार्यालय भिमान र जिल्ला प्रहरी कार्यालय सिन्धुलीबाट प्रहरी टोली घटनास्थलमा खटिएको थियो ।

 प्रहरीले घटनामा संलग्न मनोज कार्कीलाई नियन्त्रणमा लिएको छ । घटनाको कारण र अन्य विषयमा थप अनुसन्धान भइरहेको जिल्ला प्रहरी कार्यालयले जनाएको छ ।

यो खबर पढेर तपाईलाई कस्तो महसुस भयो ?

मन पर्यो मन पर्यो 0
मन  परेन मन परेन 0
माया लाग्दो माया लाग्दो 0
हास्यास्पद हास्यास्पद 0
आक्रोशित आक्रोशित 0
दु:खद दु:खद 0
क्या राम्रो क्या राम्रो 0