छैठके बहुत रास शुभकामना: मैथिली भाषामार्फत प्रधानमन्त्री शाहले दिए छठको शुभकामना
२९ कातिक,काठमाडौं । प्रधानमन्त्री बालेन शाहले प्रकृति र आस्थाको पर्व छठका अवसरमा स्वदेश तथा विदेशमा रहेका सम्पूर्ण नेपालीहरूमा हार्दिक शुभकामना व्यक्त गरेका छन्।
सामाजिक सञ्जालमार्फत शुभकामना सन्देश जारी गर्दै उनले यस पर्वले परिवारको सुख, शान्ति, आरोग्य र सन्तानको दीर्घायुको कामना गर्ने विश्वास व्यक्त गरेका छन्। साथै, उदाउँदो सूर्यसँगै अस्ताउँदो सूर्यलाई पनि समान श्रद्धा र सम्मानका साथ अर्घ्य दिने परम्पराले जीवनका हरेक अवस्थालाई सम्मान गर्न र प्रकृतिप्रति कृतज्ञ हुन सिकाउने कुरामा उनले जोड दिएका छन्।
प्रधानमन्त्री शाहले छठ पर्वले देशमा सुशासन, सामाजिक न्याय र समृद्धिको संकल्प पूरा गर्ने प्रेरणा प्रदान गरोस् भन्ने कामनासमेत गरेका छन्।
शुभकामना सन्देशको अन्त्यमा उनले मैथिली भाषाप्रतिको सम्मान प्रकट गर्दै लेखेका छन्: ‘छैठके बहुत रास शुभकामना! दीनानाथ आ छैठ परमेश्वरी सब के जीवन में सुख, शान्ति आ समृद्धि लइथिन से कामना करैछि।’
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0