नख्खुबाट १ करोड ६७ लाख रुपैयाँसहित तीन जना पक्राउ

Nov 17, 2026 - 16:05
 0  8
नख्खुबाट १ करोड ६७ लाख रुपैयाँसहित तीन जना पक्राउ

१ मंसिर,काठमाडौं । ललितपुर महानगरपालिका–२ नख्खुबाट प्रहरीले स्रोत नखुलेको १ करोड ६७ लाख रुपैयाँ नगदसहित तीन जनालाई पक्राउ गरेको छ ।

 उपत्यका अपराध अनुसन्धान कार्यालयबाट खटिएको प्रहरी टोलीले मंगलबार दिउँसो बागमती प्रदेश–०१–०२७ च २७६५ नम्बरको भ्यानमा रकम बोकेर हिँडिरहेको अवस्थामा उनीहरूलाई नियन्त्रणमा लिएको हो ।

पक्राउ पर्नेमा भोजपुर नगरपालिका–३ का ३० वर्षीय दीपक खड्का, ललितपुरको गोदावरी नगरपालिका–१० का ३२ वर्षीय जयराम केसी र काठमाडौंको बानेश्वरका प्रज्वल रिजाल रहेका छन् ।

प्रारम्भिक अनुसन्धानअनुसार पक्राउ परेका तीनै जना पशुपतिनाथ पराग सप्लायर्समा कार्यरत रहेको खुलेको छ । उक्त कम्पनीका सञ्चालक भगवान शाह रहेको बताइएको छ ।

प्रहरीका अनुसार बरामद रकमको स्रोतबारे पक्राउ परेका व्यक्तिहरूले स्पष्ट पार्न सकेका छैनन् । स्रोत नखुलेको उक्त रकम कहाँबाट ल्याइएको हो र कहाँ लैजान लागिएको थियो भन्ने विषयमा प्रहरीले थप अनुसन्धान गरिरहेको छ ।

 

यो खबर पढेर तपाईलाई कस्तो महसुस भयो ?

मन पर्यो मन पर्यो 0
मन  परेन मन परेन 0
माया लाग्दो माया लाग्दो 0
हास्यास्पद हास्यास्पद 0
आक्रोशित आक्रोशित 0
दु:खद दु:खद 0
क्या राम्रो क्या राम्रो 0