माउजर पेस्तोल खेलाउने क्रममा पड्किँदा रुपन्देहीमा युवक घाइते
१७ असाेज,रुपन्देही । रुपन्देहीको देवदह नगरपालिका–५ मितेरी गाउँमा माउजर पेस्तोल खेलाउने क्रममा पड्किँदा २२ वर्षीय रायन खत्री क्षेत्री घाइते भएका छन् ।
प्रहरीका अनुसार ४२ वर्षीय दुर्गा प्रसाद खरेलले पेस्तोल खेलाउने क्रममा अचानक पड्किँदा खत्रीको दाहिने गालामा चोट लागेको हो ।
घाइते खत्रीको देवदह मेडिकल कलेजमा उपचार भइरहेको छ । उनको अवस्था सामान्य रहेको प्रहरीले जनाएको छ ।
घटनापछि प्रहरीले घटनास्थलबाट म्यागजिनसहितको माउजर पेस्तोल बरामद गरेको छ । घटनामा संलग्न रहेको आशंकामा दुर्गा प्रसाद खरेल, कमल शर्मा र अमृत खरेललाई नियन्त्रणमा लिइएको छ ।
घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
