धनकुटामा प्रहरीलाई देखेपछि चालक फरार, ट्रकबाट बरामद भयो १,२४० किलो गाँजा
२४ भदाै,धनकुटा । धनकुटाको साँगुरीगढी गाउँपालिका–७ फेदीबाट ठूलो परिमाणमा लागूऔषध गाँजासहित एउटा ट्रक बरामद गरिएको छ ।
प्रहरीले ट्रकबाट १ हजार २४० किलो ६ सय ग्राम गाँजा बरामद गरेको हो । कोशी लोकमार्गअन्तर्गत फेदी क्षेत्रमा बुधबार राति करिब ११ बजे मुलघाटबाट खटिएको नेपाल प्रहरी र सशस्त्र प्रहरी बलको संयुक्त चेकिङ टोलीले धनकुटाबाट भेडेटारतर्फ जाँदै गरेको ना.४ ख ५२७ नम्बरको ट्रकलाई चेकजाँचका लागि रोक्न खोजेको थियो ।
चेकिङ टोलीले ट्रक रोक्न संकेत गरेपछि चालक ट्रकबाट हाम फालेर फरार भएका थिए । त्यसपछि ट्रक शंकास्पद लागेर प्रहरीले चेकजाँच गर्दा ट्रकभित्र लुकाइराखेको अवस्थामा ठूलो परिमाणमा गाँजा फेला परेको हो ।
प्रहरीका अनुसार बरामद गाँजा र ट्रकलाई नियन्त्रणमा लिइएको छ । फरार चालकको खोजी भइरहेको छ भने घटनाबारे थप अनुसन्धान जारी रहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
