काठमाडौंमा कौडा खेलिरहेका २४ जना पक्राउ, ९ लाख ६० हजार रुपैयाँभन्दा बढी बरामद

Nov 21, 2026 - 14:26
 0  6
काठमाडौंमा कौडा खेलिरहेका २४ जना पक्राउ, ९ लाख ६० हजार रुपैयाँभन्दा बढी बरामद

ईर्साद अन्सारी

५ मंसिर,काठमाडौं । काठमाडौंको मैपीस्थित एक घरमा हारजित हुने गरी कौडा खेलिरहेको अवस्थामा प्रहरीले २४ जनालाई पक्राउ गरेको छ। 

जिल्ला प्रहरी परिसर काठमाडौंका अनुसार सुक्रबार राति ९ः३० बजे प्रहरी टोलीले चेकजाँच गर्ने क्रममा मैपीस्थित एक घरमा जुवा खेलिरहेको अवस्थामा उनीहरूलाई नियन्त्रणमा लिएको हो।

प्रहरीले पक्राउ परेकाहरूको साथबाट नेपाली नगद ९ लाख ६० हजार ५०० रुपैयाँ, अमेरिकी डलर ४६०, भारतीय रुपैयाँ ५०० र कौडा १६ थान बरामद गरेको जनाएको छ।

 पक्राउ पर्नेमा निरज निरौला, बसन्त अधिकारी, सुजन श्रेष्ठ, नारायण श्रेष्ठ, राजेश केसी, विनोद घिमिरे, रामकृष्ण कार्की, जलेश पाण्डे, दिनेश भट्टराई, प्रदीप कडेल, माधव बिष्ट, शालिग्राम वाग्ले, जयराम पाण्डे, शिव भट्ट, सन्दिप पौडेल, सुनिल श्रेष्ठ, प्रेम श्रेष्ठ, महेश दाहाल, श्याम शर्मा, अरुण बस्नेत, सुमन रिजाल, प्रदीप गौतम, आनन्द राज त्रिपाठी र अनिल सिलवाल रहेका छन्।

पक्राउ परेका सबैमाथि जुवा सम्बन्धी कसुरमा थप अनुसन्धान भइरहेको जिल्ला प्रहरी परिसर काठमाडौंका प्रवक्ता एवं सूचना अधिकारी प्रहरी उपरीक्षक दानबहादुर थापाले जानकारी दिएका छन्।

यो खबर पढेर तपाईलाई कस्तो महसुस भयो ?

मन पर्यो मन पर्यो 0
मन  परेन मन परेन 0
माया लाग्दो माया लाग्दो 0
हास्यास्पद हास्यास्पद 0
आक्रोशित आक्रोशित 0
दु:खद दु:खद 0
क्या राम्रो क्या राम्रो 0