कञ्चनपुरमा मोटरसाइकल दुर्घटना हुँदा २४ वर्षीय युवकको मृत्यु
१९ असाेज,कञ्चनपुर । बेदकोट नगरपालिका–७ लालपुरमा मोटरसाइकल अनियन्त्रित भएर पल्टिँदा एक युवकको मृत्यु भएको छ ।
सोमबार मध्याह्न करिब १२ बजे महेन्द्र राजमार्गअन्तर्गत पश्चिमबाट पूर्वतर्फ जाँदै गरेको से ६ प २२० नम्बरको मोटरसाइकल आफैं अनियन्त्रित भई सडकमा पल्टिएको प्रहरीले जनाएको छ ।
दुर्घटनामा बेदकोट नगरपालिका–५ का अन्दाजी २४ वर्षीय विक्रम बम गम्भीर घाइते भएका थिए । उनलाई तत्काल उद्धार गरी उपचारका लागि महाकाली प्रादेशिक अस्पताल लगिएको थियो ।
उपचारकै क्रममा दिउँसो १२ः५५ बजे चिकित्सकले बमलाई मृत घोषणा गरेका छन् । घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
