सामुदायिक वनका ओडारमा लुकाइएका ८ नाल भरुवा बन्दुक बरामद
१५ असाेज,सल्यान । सल्यानको बनगाड कुपिण्डे नगरपालिकाका दुई वटा सामुदायिक वनका ओडारमा लुकाइछिपाई राखिएका ८ नाल भरुवा बन्दुक प्रहरीले बरामद गरेको छ।
बिहीबार बिहान ९ः३० बजे जिल्ला प्रहरी कार्यालय सल्यानबाट खटिएको प्रहरी टोलीले बनगाड कुपिण्डे नगरपालिका–७ स्थित सल्लेरी सामुदायिक वनको ओडारबाट ४ नाल र वडा नम्बर १२ स्थित निगालचुला भदाले सामुदायिक वनको ओडारबाट थप ४ नाल भरुवा बन्दुक बरामद गरेको हो
। प्रहरीका अनुसार सामुदायिक वनका ओडारमा लुकाइछिपाई राखिएको अवस्थामा ती बन्दुक फेला परेका हुन्। बरामद गरिएका भरुवा बन्दुक कसले र के प्रयोजनका लागि लुकाएर राखेको भन्ने विषयमा प्रहरीले थप अनुसन्धान गरिरहेको जनाएको छ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
