धनुषामा अविरल वर्षापछि पहिरो खस्दा घर पुरियो, महिलाको मृत्यु
११ असोज, जनकपुरधाम । अविरल वर्षाका कारण धनुषाको मिथिला नगरपालिका–११ आँपगाछी टोलमा पहिरो खस्दा घर पुरिएर एक महिलाको मृत्यु भएको छ ।
आज बिहान वर्षा भइरहेका बेला राजन श्रेष्ठको एकतले घरमाथिबाट अचानक पहिरो खसेको थियो । पहिरोले घर पुरिँदा घरभित्र रहेकी ४२ वर्षीया कमला श्रेष्ठको मृत्यु भएको प्रहरीले जनाएको छ ।
पहिरो खसेपछि घरमा रहेका परिवारका अन्य चार जना सदस्य भने भागेर ज्यान जोगाउन सफल भएका छन् । स्थानीयका अनुसार लगातारको वर्षाका कारण त्यस क्षेत्रमा पहिरोको जोखिम बढेको छ ।
घटनापछि प्रहरी टोली घटनास्थलमा पुगेर आवश्यक उद्धार तथा अन्य व्यवस्थापनको काम गरिरहेको जनाएको छ ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
