उपचार गर्न जाने क्रममा लालबकैया खोलामा हाम फालेका २५ वर्षीय यादव बेपत्ता
९ असाेज,बारा, असोज ९ गते । बारा जिल्लाको कचोर्वा निवासी २५ वर्षीय सचिन्द्र यादव उपचारका लागि रौतहटतर्फ जाने क्रममा लालबकैया खोलामा हाम फालेर बेपत्ता भएका छन् ।
शुक्रबार दिउँसो करिब १ बजे मौलापुरस्थित पुलबाट यादवले खोलामा हाम फालेको प्रहरीले जनाएको छ । भाइ सतेन्द्र यादवसँग मोटरसाइकलमा उपचारका लागि रौतहटतर्फ जाने क्रममा सचिन्द्रले मोटरसाइकल रोक्न नपाउँदै अचानक भागेर पुलबाट खोलामा हाम फालेका थिए ।
मोटरसाइकल चालकसमेत रहेका भाइ सतेन्द्रले घटनाबारे प्रहरीलाई जानकारी गराएका छन् । सचिन्द्र डिप्रेसनमा रहेको र उनलाई उपचारका लागि गरुडातर्फ लैजाँदै गरेको सतेन्द्रले प्रहरीलाई बताएका छन् ।
घटनापछि मौलापुर प्रहरीको टोलीले बेपत्ता यादवको खोजी गरिरहेको जनाएको छ ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
