सुनसरीमा १५ लाख २० हजारको अवैध वाटरमेलन सिड बरामद
२० असाेज,सुनसरी । सुनसरीको बर्जु गाउँपालिका–२ केशलिया खोलाबाट प्रहरीले अवैध रूपमा ल्याइएको १५ लाख २० हजार रुपैयाँ बराबरको वाटरमेलन सिड (खरबुजा बीउ) बरामद गरेको छ।
इलाका प्रहरी कार्यालय दुहबी, इलाका प्रहरी कार्यालय सितागञ्ज र ट्राफिक प्रहरी पोष्ट दुहबीबाट संयुक्त रूपमा खटिएको प्रहरी टोलीले सोमबार साँझ विराटनगर–देवानगञ्ज सडकखण्डमा सार्वजनिक सवारीसाधन चेकजाँच गर्ने क्रममा उक्त बीउ बरामद गरेको हो।
प्रहरीका अनुसार ३८ बोरामा रहेको १ हजार ५२० किलो वाटरमेलन सिड नियन्त्रणमा लिइएको हो। बरामद बीउको अनुमानित मूल्य १५ लाख २० हजार रुपैयाँ रहेको प्रहरीले जनाएको छ।
बरामद सामग्री इलाका प्रहरी कार्यालय दुहबीमा ल्याइएको र आवश्यक कारबाहीका लागि सुनसरी भन्सार कार्यालय सेतुबन्ध पठाउने तयारी भइरहेको जिल्ला प्रहरी कार्यालय सुनसरीले जनाएको छ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
