बन्चरो प्रहार गरी श्रीमती र तीन सन्तानलाई गम्भीर घाइते बनाउने व्यक्ति पक्राउ

Nov 21, 2026 - 13:33
 0  11
बन्चरो प्रहार गरी श्रीमती र तीन सन्तानलाई गम्भीर घाइते बनाउने व्यक्ति पक्राउ

ईर्साद अन्सारी

५ मंसिर,दैलेख । दैलेखको चामुण्डाबिन्द्रासैनी नगरपालिका–३ पानीखोलामा बन्चरो प्रहार गरी श्रीमती र तीन सन्तानलाई गम्भीर घाइते बनाएको आरोपमा एक जना पक्राउ परेका छन् । 

पक्राउ पर्नेमा ३८ वर्षीय अम्मर सलामी मगर रहेका छन् । घरायसी विवादका क्रममा उनले आफ्नी ३५ वर्षीया श्रीमती मनिषा सलामी मगर, १२ वर्षीय छोरा तपेन्द्र, ६ वर्षीय छोरा मिलन र ३ वर्षीया छोरी करिस्मामाथि दाउरा काट्ने बन्चरोले टाउकोमा प्रहार गरेको प्रहरीले जनाएको छ ।

 बन्चरो प्रहारबाट चारै जना गम्भीर घाइते भएका छन् । उनीहरूलाई उपचारका लागि एम्बुलेन्समार्फत दैलेखको दुल्लु नगर अस्पताल पठाइएको छ । घटना गराउने अम्मरलाई प्रहरीले घटनामा प्रयोग भएको बन्चरोसहित नियन्त्रणमा लिएको छ ।

घटनाबारे थप अनुसन्धान भइरहेको प्रहरीले जनाएको छ ।

यो खबर पढेर तपाईलाई कस्तो महसुस भयो ?

मन पर्यो मन पर्यो 0
मन  परेन मन परेन 0
माया लाग्दो माया लाग्दो 0
हास्यास्पद हास्यास्पद 0
आक्रोशित आक्रोशित 0
दु:खद दु:खद 0
क्या राम्रो क्या राम्रो 0