पर्साबाट १५४ ग्राम खैरो हेरोइनसहित दुई जना पक्राउ
६ असोज, पर्सा । पर्साको वीरगञ्ज महानगरपालिका–१५ बाट १५४ ग्राम खैरो हेरोइनसहित दुई जना पक्राउ परेका छन् ।
लागू औषध नियन्त्रण ब्यूरो शाखा कार्यालय वीरगञ्ज र जिल्ला प्रहरी कार्यालय पर्साबाट खटिएको संयुक्त प्रहरी टोलीले आज मंगलबार उनीहरूलाई पक्राउ गरेको हो ।
पक्राउ पर्नेमा पर्साको छिपहरमाई गाउँपालिका–२ का ४६ वर्षीय रेयाद आलम र जगरनाथपुर गाउँपालिका–६ का ३७ वर्षीय सन्तोष प्रसाद पटेल रहेका छन् ।
प्रहरीका अनुसार उनीहरूको साथबाट १५४ ग्राम खैरो हेरोइन, भारतीय नम्बर BR05 BL 1680 को मोटरसाइकल र पाँच थान मोबाइल बरामद भएको छ । पक्राउ परेका दुवै जनालाई आवश्यक अनुसन्धान तथा कारबाहीका लागि जिल्ला प्रहरी कार्यालय पर्सामा बुझाइएको लागू औषध नियन्त्रण ब्यूरोले जनाएको छ ।
लागू औषध (नियन्त्रण) ऐन, २०३३ अनुसार खैरो हेरोइन कारोबारमा संलग्न व्यक्तिलाई १५ वर्षदेखि जन्मकैदसम्मको सजाय र ५ लाखदेखि २५ लाख रुपैयाँसम्म जरिवाना हुने व्यवस्था रहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
