सुर्खेतका तीन स्थानबाट १८ नाल भरुवा बन्दुक बरामद
२४ असाेज,सुर्खेत । सुर्खेतका तीन स्थानमा जंगलभित्र लुकाइछिपाई राखिएका १८ नाल भरुवा बन्दुक फेला परेका छन्।
विशेष सूचनाका आधारमा खटिएको प्रहरी टोलीले चौकुने गाउँपालिका र बराहताल गाउँपालिकाका विभिन्न जंगलबाट ती बन्दुक बरामद गरेको हो।
प्रहरीका अनुसार चौकुने गाउँपालिका–७ सान्नेघारीस्थित जंगलबाट ५ नाल, चौकुने गाउँपालिका–१ धामिसेनस्थित जंगलबाट १२ नाल र बराहताल गाउँपालिका–१ ज्यामिरेस्थित जंगलबाट १ नाल भरुवा बन्दुक फेला पारिएको छ।
तीनवटै स्थानबाट बरामद गरिएका बन्दुक कानुनी प्रक्रिया पूरा गरी नियन्त्रणमा लिइएको प्रहरीले जनाएको छ। बन्दुक कसले र के प्रयोजनका लागि जंगलमा लुकाएर राखेको थियो भन्ने विषयमा थप अनुसन्धान भइरहेको छ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
