झापाको बेलडाँगी शिविरमा कुटपिटबाट तीनमहिने शिशुको मृत्यु
२४ असाेज,झापा । झापाको दमक नगरपालिका–३ स्थित बेलडाँगी शिविरमा घरायसी विवादका क्रममा भएको कुटपिटबाट तीनमहिने शिशुको मृत्यु भएको छ ।
असोज २३ गते दिउँसो करिब १ः२० बजे बेलडाँगी शिविरको सेक्टर डी–२ मा एकै परिवारका सदस्यबीच घरायसी विषयलाई लिएर विवाद हुँदा घटना भएको हो ।
प्रहरीका अनुसार ६८ वर्षीय मनबहादुर तामाङ, उनकी ६२ वर्षीया श्रीमती आशा तामाङ, ३४ वर्षीय छोरा फुर्बा सिंह तामाङ र ३८ वर्षीया बुहारी बिमला भारतीबीच विवाद भएर झैँझगडा भएको थियो ।
सोही क्रममा मनबहादुरले बुहारी बिमलालाई कुटपिट गर्दा उनको काखमा रहेका तीनमहिने छोरा सामेल तामाङलाई भित्री चोट लागेको थियो ।
घाइते शिशुलाई उपचारका लागि दमक अस्पताल लगिएकोमा दिउँसो २ः०५ बजे उपचारकै क्रममा मृत्यु भएको प्रहरीले जनाएको छ । घटनामा संलग्न चारै जनालाई नियन्त्रणमा लिएर इलाका प्रहरी कार्यालय दमकमा राखिएको छ ।
घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
