डोल्पा कारागारबाट फरार भएका थप दुई कैदी पक्राउ
२२ कातिक,काठमाण्डाैं । जिल्ला कारागार कार्यालय दुनैबाट फरार भएका थप दुई जना कैदी पक्राउ परेका छन् ।
पक्राउ पर्नेमा जाजरकोटको बारेकोट गाउँपालिका–१ घर भएका २५ वर्षीय यज्ञ विक र डोल्पाको त्रिपुरासुन्दरी नगरपालिका–४ घर भएका २८ वर्षीय धनबहादुर भन्ने हरिबहादुर बुढा रहेका छन् ।
उनीहरूलाई आज खोजतलास गर्ने क्रममा त्रिपुरासुन्दरी नगरपालिका–४ स्थित रङ्ग गाउँनजिकैको जंगलमा हिँडिरहेको अवस्थामा फेला पारी पक्राउ गरिएको हो ।
१२ वर्ष कैद सजाय तोकिएका यज्ञ विकको १० वर्ष ८ महिना कैद भुक्तान गर्न बाँकी रहेको छ भने सोही अवधिको कैद सजाय पाएका हरिबहादुर बुढाको ९ वर्ष ५ महिना कैद भुक्तान गर्न बाँकी रहेको छ ।
पक्राउ परेका दुवै जनालाई कानुनबमोजिम कारबाही प्रक्रिया अघि बढाइएको छ । घटनाबारे थप अनुसन्धान भइरहेको जनाइएको छ ।
कारागारबाट फरार भएका कैदी तथा थुनुवामध्ये हालसम्म ६ जना पक्राउ परेका छन् । अझै फरार रहेका दुई जना थुनुवाको खोजतलास जारी रहेको छ ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
