मुगुमा हाईलक्स जिप ६ सय मिटर तल खस्यो, तीन जनाको मृत्यु, दुई घाइते

Nov 15, 2026 - 19:06
 0  13
मुगुमा हाईलक्स जिप ६ सय  मिटर तल खस्यो, तीन जनाको मृत्यु, दुई घाइते

२९ कातिक,काठमाण्डाैं । मुगुको छायानाथ रारा नगरपालिका–७ टोप्लास्थित ताल्चा–रारा कच्ची सडक खण्डमा हाईलक्स जिप दुर्घटना हुँदा तीन जनाको मृत्यु भएको छ भने दुई जना घाइते भएका छन् ।

 सुर्खेतबाट रारातर्फ जाँदै गरेको बा १७ च १८६४ नम्बरको हाईलक्स जिप आईतबार अचानक सडकबाट करिब ६ सय  मिटर तल खसेर दुर्घटना भएको हो ।

 जिपमा चालकसहित पाँच जना सवार थिए । दुर्घटनामा परी काठमाडौंका ५० वर्षीय विजय बस्नेत, ५४ वर्षीय रमेश बिडारी र ५० वर्षीय पूर्णकुमार थापाको मृत्यु भएको प्रहरीले जनाएको छ । उनीहरूलाई उद्धार गरी जिल्ला अस्पताल मुगु पुर्‍याएलगत्तै चिकित्सकले मृत घोषणा गरेका थिए ।

दुर्घटनामा ललितपुर महानगरपालिका–१५ निवासी ५४ वर्षीया अन्जु थापा र जिप चालक ५८ वर्षीय कञ्चन थापा घाइते भएका छन् । दुवैको अवस्था मध्यम रहेको र जिल्ला अस्पताल मुगुमा उपचार भइरहेको छ ।

 दुर्घटनाको खबर प्राप्त भएपछि जिल्ला प्रहरी कार्यालय मुगुबाट प्रहरी नायब उपरीक्षक रविराज थपलियाको कमान्डमा १० जना र बी.सु. गार्ड ताल्चाबाट प्रहरी नायब निरीक्षक डम्बरबहादुर अधिकारीको कमान्डमा सात जनाको प्रहरी टोली घटनास्थल पुगेको थियो ।

प्रहरी टोलीले घाइतेहरूको उद्धार गरी अस्पताल पुर्‍याएको थियो । दुर्घटनाको कारण खुल्न सकेको छैन । चालकले मादक पदार्थ सेवन गरे/नगरेको लगायत दुर्घटनासम्बन्धी थप विवरणबारे प्रहरीले अनुसन्धान गरिरहेको छ ।

यो खबर पढेर तपाईलाई कस्तो महसुस भयो ?

मन पर्यो मन पर्यो 0
मन  परेन मन परेन 0
माया लाग्दो माया लाग्दो 0
हास्यास्पद हास्यास्पद 0
आक्रोशित आक्रोशित 0
दु:खद दु:खद 0
क्या राम्रो क्या राम्रो 0