मकवानपुरमा बसको ठक्करबाट ६३ वर्षीया महिलाको मृत्यु
१२ कातिक,बारा । मकवानपुरको भीमफेदी गाउँपालिकामा बसको ठक्करबाट एक जना पैदलयात्रीको घटनास्थलमै मृत्यु भएको छ ।
मृत्यु हुनेमा भीमफेदी गाउँपालिका–८, ईपा निवासी ६३ वर्षीया लिला देवी खत्री रहेकी छन् ।
प्राप्त विवरणअनुसार, बिहिबार बिहान करिब ७ः३० बजे ईपाबाट हेटौँडातर्फ आउँदै गरेको बा २ ख ९४३० नम्बरको बसबाट ओर्लिएकी खत्री बसको अगाडिबाट बाटो पार गर्ने क्रममा सोही बसको ठक्करमा परेकी थिइन् । बसको ठक्करबाट टाउकोमा चोट लागेकी उनको घटनास्थलमै मृत्यु भएको हो ।
उक्त दुर्घटनाबारे थप अनुसन्धान भइरहेको जनाइएको छ ।
यो खबर पढेर तपाईलाई कस्तो महसुस भयो ?
मन पर्यो
0
मन परेन
0
माया लाग्दो
0
हास्यास्पद
0
आक्रोशित
0
दु:खद
0
क्या राम्रो
0
