छठले राष्ट्रिय एकता र सामाजिक सद्भाव बढाउने राष्ट्रपति पौडेलको विश्वास

Nov 15, 2026 - 08:13
 0  5
छठले राष्ट्रिय एकता र सामाजिक सद्भाव बढाउने राष्ट्रपति पौडेलको विश्वास

२९ कातिक,काठमाडौँ । राष्ट्रपति रामचन्द्र पौडेलले छठ पर्वले समाजमा विद्यमान वर्गीय, जातीय र लैङ्गिक विभेद तथा सामाजिक कुरीतिको अन्त्य गर्दै राष्ट्रिय एकता र सद्भाव अभिवृद्धि गर्ने विश्वास व्यक्त गरेका छन् ।

 छठ पर्व २०८३ का अवसरमा शुभकामना सन्देश जारी गर्दै राष्ट्रपति पौडेलले मौलिक संस्कृतिको संरक्षण, संवर्द्धन र सामाजिक सद्भाव सुदृढ गर्न छठले प्रेरणा दिने बताएका छन् ।

 उनले सूर्य, जल र पृथ्वीको पूजा आराधना गरिने यस पर्वले प्रकृतिप्रतिको सम्मान, पर्यावरणीय चेतना तथा पारिवारिक र सामाजिक एकताको सन्देश दिने उल्लेख गरेका छन् ।

 तराई–मधेशमा विशेष रूपमा मनाइने छठ पछिल्लो समय काठमाडौँ उपत्यकासहित पहाडी र हिमाली जिल्लामा समेत श्रद्धा र भक्तिपूर्वक मनाइनु खुसीको विषय भएको उनले बताएका छन् ।

 राष्ट्रपति पौडेलले छठ पर्वले दिगो शान्ति, सुशासन, विकास र समृद्धिको मार्ग प्रशस्त गर्न प्रेरणा दिने विश्वास व्यक्त गर्दै सम्पूर्ण नेपालीमा सुख, शान्ति र समृद्धिको कामना गरेका छन् ।

यो खबर पढेर तपाईलाई कस्तो महसुस भयो ?

मन पर्यो मन पर्यो 0
मन  परेन मन परेन 0
माया लाग्दो माया लाग्दो 0
हास्यास्पद हास्यास्पद 0
आक्रोशित आक्रोशित 0
दु:खद दु:खद 0
क्या राम्रो क्या राम्रो 0