३ कार्तिक,काठमाण्डाै् । नेपाल विद्युत प्राधिकरणका कार्यकारी निर्देशक मनोज सिलवालले डेडिकेटेड फिडर र ट्रंक लाइनमार्फत विद्युत उपभोग गरेबापतको बक्यौता रकम तिर्न अटेर गरिरहेका २५ वटा उद्योगहरूमा जुनसुकै बेला पनि लाइन काट्न सकिने जनाएका छन्।
प्राधिकरणले बक्यौता तिर्न चाहने उद्योगीहरूलाई २८ महिनाको किस्ताबन्दी सुविधा दिएको छ, तर तिहारभित्रै लाइन काट्ने तयारी भइरहेको सिलवालले बताए।
उनका अनुसार हालसम्म १३ वटा उद्योगले मात्रै किस्ता रकम बुझाएका छन्; जसमध्ये हामा आइरन एण्ड स्टीलले पहिलो किस्ताबापत रु. २० लाख ९० हजार, लक्ष्मी स्टीलले रु. ८४ लाख ९८ हजार, सर्वोत्तम सिमेन्टले रु. ४० लाख, हुलास स्टीलले रु. ५० लाख ४३ हजार र अशोक स्टीलले रु. ६३ लाख बुझाएका छन्।
त्यसैगरी, रोल्पा सिमेन्टले पाँच किस्ता बराबरको रु. १७ लाख ७० हजार, सम्राट सिमेन्टले तीन किस्ता बापतको रु. ४० लाख ४७ हजार, नवनेपाल पलाष्टिक उद्योगले रु. १ लाख २३ हजार र शुभश्री अग्नी सिमेन्टले रु. ३ लाख ५५ हजार किस्ता तिरेका छन्। आइतबार थप चार वटा उद्योगले किस्ता तिरे पनि उनीहरूको नाम सार्वजनिक गरिएको छैन।
प्रतिक्रिया दिनुहोस् !