६ मंसिर,सप्तरी । राजगढ गाउँपालिका–६ फकिरा घर भई राजविराज नगरपालिका–१६ बोरिया बस्दै आएका १९ वर्षीय मुकेश यादवको मोबाइल चोरीको आरोपमा भएको कुटपिटका कारण उपचारका क्रममा मृत्यु भएको छ।
जिल्ला प्रहरी कार्यालयका प्रहरी नायब उपरीक्षक डम्बरबहादुर पुरीका अनुसार दुई दिनअगाडि बोरियास्थित छिमेकी सरोकुमारी साहको मोबाइल हराएको थियो।
उक्त मोबाइल मुकेशले नै चोरी गरेको भन्दै साहले कुटपिट गरेपछि घाइते भएका यादवको राजविराजस्थित छिन्नमस्ता अस्पतालमा उपचारका क्रममा आज मृत्यु भएको हो। प्रहरीले घटनाबारे अनुसन्धान भईरहेको जनाएको छ।
प्रतिक्रिया दिनुहोस् !