५ मंसिर,बारा,। बाराको पथलैयामा जेनजी समूह र स्थानीय प्रशासनबीच भएको वार्तामा जेनजीका सबै प्रमुख मागहरू तीन दिनभित्र सम्बोधन गर्ने सहमति भएको छ।
जसअनुसार प्रशासनले घटनामा संलग्न सबैलाई पूर्वाग्रहबिना कारबाही गर्ने, घाइतेहरूको निःशुल्क उपचार र उचित क्षतिपूर्ति दिने, जेनजी सदस्य तथा सहयोगीहरूको सुरक्षा सुनिश्चित गर्ने, सुरक्षा व्यवस्थापनमा लापरबाही गर्ने अधिकारीलाई कारबाही गर्ने, अरविन्द साहको कल डिटेलसहित घटना–संलग्न व्यक्तिहरूलाई अनुसन्धानको दायरामा ल्याउने र छुटिएका नाम पुनः अभियुक्त बनाउने माग पूरा गर्ने प्रतिवद्धता जनाएको छ।
प्रमुख जिल्ला अधिकारी धर्मेन्द्र कुमार मिश्र र सुरक्षा निकायका अधिकारीहरू उपस्थित बैठकमा जेनजीको नेतृत्व सम्राट उपाध्यायले गरेका थिए; जिल्ला प्रहरी कार्यालय बाराका एसपी सन्तोष तामाङले जेनजीको उजुरीका आधारमा दोषीको खोजी भइरहेको र पीडितले न्याय पाउनेमा विश्वास दिलाएका छन्।
प्रतिक्रिया दिनुहोस् !