२६ साउन,काठमाडौं । भारतको लोकसभामा प्रमुख विपक्षी दलका नेता राहुल गान्धी र केही अन्य विपक्षी सांसदहरूलाई दिल्ली प्रहरीले हिरासतमा लिएको छ।
मतदाता नामावलीमा लाखौंको संख्यामा हेरफेर भएको आरोप लगाउँदै विपक्षी गठबन्धनले निर्वाचन आयोगलाई घेराउ गर्ने प्रयास गरेपछि उनीहरूलाई नियन्त्रणमा लिइएको हो।
राहुल गान्धीको नेतृत्वमा विपक्षी सांसदहरूले निर्वाचन आयोगतर्फ मार्चपास गरिरहेका बेला उनीहरूलाई पक्राउ गरिएको थियो। यसअघि सबै सांसदहरू एकसाथ धर्नामा बसेका थिए।
हिरासतमा लिइएपछि राहुल गान्धीले यो लडाइँ संविधान बचाउनका लागि भएको र यो “एक व्यक्ति, एक मत” को सिद्धान्तका लागि गरिएको प्रतिक्रिया दिएका छन्। उनले सत्तापक्षले मतदाता नामावलीमा धाँधली गरेको आरोप पनि लगाएका छन्।
मार्चपासमा समाजवादी पार्टीकी डिम्पल यादव, तृणमूल कांग्रेसकी महुआ मोइत्रा, शिवसेनाका संजय राउत र कांग्रेसकी प्रियंका गान्धी लगायतका नेताहरूको पनि सहभागिता थियो।
प्रतिक्रिया दिनुहोस् !