म.आफताब आलम
बागमती ब्युराे
५ मंसिर,काठमाडौं । प्रमुख प्रतिपक्षी दल नेकपा एमालेले पार्टीको जनसंगठन विभाग अन्तर्गत ‘नेसनल भोलेन्टियर फोर्स’ गठनको घोषणा गरेको छ।
पार्टी सचिवालय बैठकको निर्णयअनुसार यो फोर्स गठन गरिएको हो। पार्टी अध्यक्ष केपी शर्मा ओलीको उपस्थितिमा जनसंगठन विभागका प्रमुख भानुभक्त ढकालले उक्त फोर्सको औपचारिक घोषणा गरेका हुन्।
नवगठित फोर्सको कमान्डरको जिम्मेवारी पुष्पराज श्रेष्ठलाई दिइएको छ। श्रेष्ठ यसअघि युवासंघका पूर्व उपाध्यक्ष थिए। घोषित फोर्समा देशका सबै जिल्लाबाट सदस्यहरू रहनेछन्। यो फोर्सको गठनले पार्टीको संगठनात्मक र स्वयंसेवा कार्यमा थप सक्रियता ल्याउने विश्वास लिइएको छ।
प्रतिक्रिया दिनुहोस् !