२९ जेठ,कैलाली । कैलालीमा प्रहरीले गोली चलाएर ज्यान मार्ने उद्योगका दुई आरोपितलाई नियन्त्रणमा लिएको छ।
जिल्ला प्रहरी कार्यालय कैलालीका डीएसपी तथा प्रवक्ता राजकुमार सिंहका अनुसार खुकुरी प्रहार गरी ज्यान मार्ने प्रयास गरेको आरोपमा फरार रहेका मिलन चन्द र रिदम ढुंगानालाई प्रहरीले गोली हानी पक्राउ गरेको हो।
प्रहरीले उनीहरूलाई बिहिबार ( जेठ २९ गते )पक्राउ गरेको थियो। तर, पक्राउ गरी ल्याउने क्रममा भजनी गाउँपालिका–७ मा पिसाब फेर्ने बहानामा उनीहरू फरार भएका थिए।
त्यसपछि प्रहरीले नियन्त्रणमा लिनका लागि हवाई फायर गरेको थियो। हवाई फायर गर्दा पनि उनीहरू फरार भएपछि प्रहरीले घुँडामुनि गोली हानी दुवैलाई नियन्त्रणमा लिएको प्रवक्ता सिंहले जानकारी दिए।
घाइते भएका दुवै जनालाई उपचारका लागि अस्पताल लगिएको र घटनाबारे थप अनुसन्धान भइरहेको प्रहरीले जनाएको छ।
प्रतिक्रिया दिनुहोस् !