ईर्साद अन्सारी
८ जेठ,काठमाण्डाैं । रुपन्देहीको लुम्बिनी सांस्कृतिक नगरपालिकाबाट नक्कली नेपाली नोट छाप्ने कार्यमा संलग्न दुई जनालाई प्रहरीले बिहीबार पक्राउ गरेको छ।
पक्राउ पर्नेहरूमा भारत ककरहवा सिद्धार्थनगर नौगढका ३८ वर्षीय अब्दुल हमिद र लुम्बिनी सांस्कृतिक नगरपालिका–११ मसिनाका २२ वर्षीय अनिल पासी (बिक्की) रहेका छन्।
रुपन्देही प्रहरीका अनुसार विशेष सूचनाका आधारमा खटिएको टोलीले उनीहरूलाई नक्कली नोट छाप्न प्रयोग गरिने कम्प्युटर र प्रिन्टरसहित नियन्त्रणमा लिएको हो।
प्रहरीले उनीहरूको साथबाट ठूलो मात्रामा छापिएका १००, ५०० र १००० दरका नक्कली नेपाली नोटहरूका साथै नोट बनाउन प्रयोग हुने अन्य सामग्रीहरू समेत बरामद गरी थप अनुसन्धान अघि बढाएको छ।
प्रतिक्रिया
