२१ फागुन,बारा । नेपालमा विकसित राजनीतिक घटनाक्रम र ‘जेन-जी’ आन्दोलनपश्चात् घोषणा गरिएको यो ऐतिहासिक प्रतिनिधिसभा निर्वाचन अन्तर्गत आज फागुन २१ गते देशभर मतदान भइरहेको छ, जसमा मधेश प्रदेशले आफ्नो बलियो उपस्थिति र उत्साह देखाएको छ ।
निर्वाचन आयोगका अनुसार बिहीबार दिउँसो १ बजेसम्मको विवरण प्राप्त हुँदा मधेश प्रदेशका ३२ वटै निर्वाचन क्षेत्रमा २० प्रतिशत मतदान सम्पन्न भएको छ, जहाँ ३६ लाख ३६ हजार ४ सय १४ कुल मतदातामध्ये हालसम्म ७ लाख २० हजार ७ सय ५२ जनाले मतदान गरिसकेका छन् ।
मधेशका बारा जस्ता जिल्लामा दिउँसो १२:४६ सम्म ४० प्रतिशतसम्मको उच्च मतदान रेकर्ड गरिएको छ भने सर्लाही क्षेत्र नं. ४ को बसबरिया लगायतका एकाध मतदान स्थलमा सामान्य विवाद र हुलदङ्गाका कारण केही समय मतदान अवरुद्ध भए तापनि सुरक्षा निकायको सक्रियताले हाल मतदान प्रक्रिया पूर्ण रूपमा शान्तिपूर्ण र सुचारु रहेको आयोगले जनाएको छ ।
मुलुकभरका १६५ प्रत्यक्ष निर्वाचन क्षेत्र र ११० समानुपातिक सिटका लागि भइरहेको यो चुनावमा १ बजेसम्म देशभर कूल ४४ लाख ५५ हजार ७९० मत खसिसकेको छ, जसमा काठमाडौँ उपत्यका ३६ प्रतिशत खसेको मतका साथ अग्रस्थानमा छ ।
