१५ असाेज,बारा । चाडपर्वको मुखमा बारा जिल्लाको सदरमुकाम कलैया मा दिउँसै सृजना कोइरालाको घरबाट सुन, नगद र लत्ताकपडा चोरी भएपछि जिल्लाको समग्र सुरक्षा व्यवस्था निरीह बनेको पुष्टि भएको छ । जसले कानूनी शासन र जनविश्वास समाप्त हुने खतरा बढाएको छ। स्थानीय प्रशासनको नियन्त्रणमा रहने जिल्ला प्रहरीमाथि अपराध नियन्त्रणको सट्टा तस्करसँग मिलेमतो गरेको गम्भीर आरोप लागेको छ। जहाँ एसपी सन्तोष तामाङको नेतृत्वमा क्राइम नियन्त्रणका लागि खटाइएका बरिष्ठ सई अरूण यादव लगायतका प्रहरी अधिकृतहरू ‘हाकिम रिझाउने’ र ‘तस्करसँग सेटिङ’ मा व्यस्त रहने गरेको स्थानीयको दाबी छ।
स्थानीयवासीका अनुसार, दिउँसै चोरी (जस्तै मोटरसाइकल चोरी) का घटना बढ्नुको मुख्य कारण नै प्रहरीको प्राथमिकता अपराध नियन्त्रण नभई पैसा असुली हुनु हो, जबकि जिल्ला प्रहरीको ध्यान दिनभर सीमामा घरायसी सामान ल्याउने सर्वसाधारणलाई दुःख दिनुमा केन्द्रित छ भने रातभरि ठूला तस्करहरूलाई भने खुलेआम छुट दिइएको छ।
तस्करी नरोकिएकै कारण राजस्व वृद्धि हुन नसकेको अवस्थामा दिनदहाडै चोरीका घटना हुनु र सीमामा तस्करी नरोकिनुले प्रहरीको टोली पूर्णतः असफल मात्र होइन, अपराधको मतियार बनेको गम्भीर आरोप स्थानीयको छ, ।
जसबाट प्रहरीको लागि सुरक्षा होइन, पैसा नै सर्वोपरी भएको निष्कर्ष निकाल्दै एसपी सन्तोष तामाङको सम्पूर्ण कार्यक्षमता असफल भएको स्थानीय बासिन्दाले ठहर गरेका छन्।
प्रतिक्रिया दिनुहोस् !