१५ असाेज,बारा । पर्साको वीरगञ्ज स्थित दशैं मेला क्षेत्रमा मंगलबार राति भएको ग्याङ फाइट (दुई समूहबीचको झडप) मा परेर एक जनाको मृत्यु भएको छ।
वीरगञ्जको माइस्थान र घडिअर्वा पोखरी नजिकैको मेलास्थलमा भएको विवादले उग्र रूप लिएपछि झडप भएको प्रहरीले जनाएको छ। घटनामा मृत्यु हुने व्यक्तिको नाम भने हालसम्म खुलेको छैन।
जिल्ला प्रहरी कार्यालय, पर्साले घटनामा संलग्न भएको आरोपमा दुई जनालाई पक्राउ गरेको जानकारी दिएको छ। पक्राउ परेका व्यक्तिहरूको पहिचान खुलाइएको छैन।
घटनाको गम्भीरतालाई ध्यानमा राख्दै, प्रहरीले अनुसन्धानका लागि तत्कालै सम्पूर्ण घटनास्थललाई शिल गरेको छ र थप अनुसन्धान तीव्र रूपमा अघि बढाएको छ। प्रहरीले घटनामा संलग्न अन्य व्यक्तिको खोजी कार्य जारी रहेको बताएको छ।
प्रतिक्रिया दिनुहोस् !