१३ असाेज,काठमाण्डाैं । चीनका पूर्व कृषिमन्त्री ताङ रेनजियानलाई आइतबार भ्रष्टाचार मामिलामा मृत्युदण्डको सजाय सुनाइएको छ, यद्यपि उनलाई दुई वर्षको समय दिइएको छ। चीनको सरकारी समाचार एजेन्सी सिन्ह्वाका अनुसार, ताङले सन् २००७ देखि २०२४ सम्म विभिन्न पदमा रहँदा ५ अर्ब ७ करोड रुपैयाँभन्दा बढी नगद र सम्पत्ति घुसस्वरूप लिएको पुष्टि भएको छ। अदालतले आफ्नो फैसलामा ताङलाई उनका सम्पूर्ण राजनीतिक अधिकारहरूबाट वञ्चित गर्दै उनको सम्पूर्ण सम्पत्ति जफत गरी राष्ट्रकोषमा जम्मा गरिने उल्लेख गरेको छ, र अदालतका अनुसार, यस घुसप्रकरणले देश र जनताको हितमा ठूलो क्षति पुर्याएकोले उनलाई मृत्युदण्ड दिइएको हो। सिन्ह्वाका अनुसार, ताङले आफ्ना अपराध स्वीकार गरेका छन् र पश्चाताप पनि गरेका छन्, र यो सजाय राष्ट्रपति सी जिनपिङको भ्रष्टाचारविरुद्धको अभियानको हिस्सा मानिएको छ, जसलाई समर्थकहरूले स्वच्छ शासनको प्रवर्द्धन गर्ने बताएका छन् भने आलोचकहरूले सीले आफ्ना राजनीतिक प्रतिद्वन्द्वीहरूलाई हटाउने हतियारका रूपमा प्रयोग गरिरहेको बताउने गरेका छन्। ताङ यसअघि गान्सु प्रान्तका गभर्नर र ग्वाङ्सी स्वायत्त क्षेत्रका उपाध्यक्ष पनि रहिसकेका छन् भने उनका पछि पूर्व रक्षा मन्त्रीहरू ली शाङफु र वेई फेङहे पनि भ्रष्टाचार अनुसन्धानको दायरामा परेका छन्।
प्रतिक्रिया दिनुहोस् !