१२ असोज,काठमाण्डाैं । जेन-जी आन्दोलनको दमनको जाँचबुझ गर्न गठित न्यायिक आयोगले निवर्तमान प्रधानमन्त्री केपी शर्मा ओली सहित पाँच जनालाई विदेश भ्रमणमा जान रोक लगाउन सरकारलाई सिफारिस गरेको छ । आयोगले उनीहरूको राहदानी रोक्का गर्न सिफारिस गरे पनि ‘विदेश भ्रमणमा रोक लगाउनु’ भन्ने वाक्यांश प्रयोग गरेको छ। गृह मन्त्रालयले उनीहरूलाई अनुमतिविना काठमाडौं उपत्यका बाहिर जान पनि रोक लगाएको छ । विदेश यात्रामा रोक लगाइएकाहरूमा प्रधानमन्त्री ओली, गृहमन्त्री रमेश लेखक, गृहसचिव गोकर्णमणि दुवाडी, राष्ट्रिय अनुसन्धान प्रमुख हुतराज थापा र काठमाडौंका निवर्तमान प्रमुख जिल्ला अधिकारी छवि रिजाल रहेका छन् । गत २३ भदौको जेन-जी आन्दोलनमा प्रहरीले घातक हतियार प्रयोग गर्दा १९ जनाको मृत्यु भएको थियो । प्रधानमन्त्री ओलीले गोली चलाउन आफूले निर्देशन नदिएको दाबी गरे पनि गृह मन्त्रालयले ‘जसरी पनि भीडलाई संघीय संसद भवनतिर जान रोक्नु’ भन्ने निर्देशन दिएको र त्यसपछि तत्कालीन प्रमुख जिल्ला अधिकारी रिजालले गोली चलाउन आदेश दिएको बताइएको छ।
प्रतिक्रिया दिनुहोस् !