ईर्साद अन्सारी
१२ असाेज,काठमाण्डाै । जेनजी आन्दोलन र सत्तापलटपछि नेकपा एमालेको महत्वपूर्ण सचिवालय बैठक अध्यक्ष केपी ओलीको निवास गुण्डुमा सुरू भएको छ, जसलाई सर्वत्र चासोका साथ हेरिएको छ ।
उपमहासचिव प्रदीप ज्ञवालीका अनुसार आजको बैठकमा गोदावरी विधान महाधिवेशनको समीक्षा र त्यसपछिको राजनीतिक परिस्थितिको विश्लेषण प्रमुख एजेन्डा रहे पनि अधिकांश पदाधिकारीले ओलीलाई नेतृत्व छाड्न स्पष्ट आग्रह गर्ने तयारी गरेका छन् ।
आन्दोलनले स्थापित गरेको युवा नेतृत्वको आवाज र दलहरूमा सुरू भएको पुनर्गठन/रूपान्तरणले बैठकमा प्रवेश पाउने एक पदाधिकारीले बताए । यद्यपि, ओलीले भने अहिले नेतृत्व छाड्नुलाई ‘अपराधी करार’ हुने भन्दै महाधिवेशन चाँडो गरेर नेतृत्व चयनको विधिमा जान सकारात्मक रहेको अडान लिएका छन् ।
विकसित घटनाक्रम र आन्दोलनको प्रभाव बुझेर पार्टी पंक्तिमा समेत अहिले ओलीको सम्मानजनक बहिर्गमनको पक्षमा मत देखिएको र आजको बैठकमा नेताहरूले संयमका साथ पार्टी पंक्तिको रक्षा र आन्दोलन जोगाउँदै अघि बढ्नुपर्ने विषय उठाउने तयारी गरेका छन् । साथै, बैठकमा विद्या भण्डारीको सदस्यता नवीकरण नगर्ने निर्णय पुनर्विचार हुनुपर्ने विषय पनि दोहोर्याउने तयारी छ ।
प्रतिक्रिया दिनुहोस् !