११ असोज,काठमाण्डाै । पौडी खेल्ने क्रममा खोलाले बगाउँदा जाजरकोटमा एकै घरका दुई दिदीबहिनीको दुःखद निधन भएको छ।
जिल्ला प्रहरी कार्यालयका अनुसार, कुशे गाउँपालिका-७, समाकोट जाजरकोटका धनबहादुर सिंहका छोरीहरू १८ वर्षीया मीनाकुमारी सिंह र १५ वर्षीया गीताकुमारी सिंहको मृत्यु भएको हो। उनीहरू शुक्रबार दिउँसो स्थानीय समाकोट खोलामा पौडी खेल्न गएका थिए।
पौडी खेल्ने क्रममा खोलाले बगाएका दुवै दिदीबहिनीलाई सोही खोलाको करिब दुई सय मिटर तल मृतावस्थामा फेला पारिएको जिल्ला प्रहरी प्रमुख प्रहरी नायब उपरीक्षक वसन्तकुमार शर्माले जानकारी दिए।
अहिले दुवैको शव घरमा ल्याएर राखिएको छ शनिबार शव परीक्षण गरिने प्रहरीले जनाएको छ।
प्रतिक्रिया दिनुहोस् !