६ असाेज,बारा । बारा जिल्लाको अमलेखगञ्जबाट भारी मात्रामा लागूऔषध गाँजासहित एउटा पिकअप भ्यानलाई प्रहरीले नियन्त्रणमा लिएको छ।
इलाका प्रहरी कार्यालय अमलेखगञ्जबाट खटिएको गस्ती टोलीले नियमित चेकजाँचका क्रममा २३६ किलो ७५० ग्राम गाँजासहित सो भ्यानलाई पक्राउ गरेको हो।
गाँजा लुकाएर ल्याउँदै गरेको सूचनाको आधारमा प्रहरीले खोजतलास गर्दा उक्त पिकअप भ्यानबाट ठूलो परिमाणको गाँजा बरामद भएको हो। प्रहरीले गाँजा र गाडी नियन्त्रणमा लिएको भए पनि यस घटनामा संलग्न व्यक्तिहरूको बारेमा थप विवरण आउन बाँकी छ।
प्रतिक्रिया दिनुहोस् !