५ असाेज,बारा, । कोल्हवी नगर उद्योग वाणिज्य संघको निर्वाचनमा राम प्रसाद प्रसाईं अध्यक्ष पदमा विजयी भएकाछन । शनिबार सार्वजनिक भएको अन्तिम मतपरिणामअनुसार प्रसाईंले आफ्ना प्रतिस्पर्धीहरूलाई ठूलो मतान्तरले हराउँदै अध्यक्षमा निर्वाचित हुन ।
निर्वाचन अधिकृत केबल प्रसाद चौधरीले दिएको जानकारीअनुसार, प्रसाईंले कुल १२७ मत प्राप्त गरे । उनका निकटतम प्रतिद्वन्द्वी लक्ष्मी प्रसाद कलवारले ८९ मत र प्रमोद साह तेलीले ५४ मत प्राप्त गरे । अर्का उम्मेदवार बिरेन्द्र प्रसाद चौधरीले भने २ मत मात्रै गरे। प्रसाईंको यो जितलाई संघमा उनको बलियो जनसमर्थनका रूपमा हेरिएको छ।
निर्वाचनमा अन्य पदहरूमा पनि नयाँ पदाधिकारीहरू चुनिएका छन्। वाणिज्यतर्फको उपाध्यक्षमा प्रेम नारायण चौधरी २०५ मतसहित विजयी भए । उनका प्रतिद्वन्द्वी प्रह्लाद साह तेलीले ११२ र कैलाश साह तेलीले १८ मत प्रााप्त गरे ।
उद्योगतर्फको उपाध्यक्षमा भने रोचक प्रतिस्पर्धा देखियो। यहाँ बिनोद साह र रमेश विश्वकर्मा दुवैले समान १२६ मत प्राप्त गरेपछि गोलाप्रथाबाट बिनोद साह विजयी भएकाछन । अर्का उम्मेदवार धनि शंकर साहले ८१ मत प्राप्त गरे ।
यसैगरी महासचिव हरिओम कुमार साह १९१ मतसहित निर्वाचित भएकाछन । कोषाध्यक्षमा प्रेम कुमारी चौधरीले १२९ मत ल्याएर विजयी भएकिहुन । उनका प्रतिस्पर्धीहरू राजु लामा तामाङले १२० र राजन कुमार जयसवालले ८२ मत प्राप्त गरे । सचिव पदमा भने बिरेन्द्र गुप्ता १६१ मतसहित विजयी भएका छन ।
प्रतिक्रिया दिनुहोस् !