३० भदौ, काठमाडौं । राष्ट्रपति रामचन्द्र पौडेलले नवनियुक्त तीन मन्त्रीलाई पद तथा गोपनीयताको शपथ गराएका छन् । शीतल निवासमा आयोजित समारोहमा उनीहरूले शपथ लिएका हुन् ।
प्रधानमन्त्री सुशीला कार्कीले आइतबार मन्त्रिपरिषद् विस्तार गर्दै उनीहरूलाई नियुक्त गरेकी थिइन् । नियुक्त हुनेमा अर्थमन्त्री रामेश्वर खनाल, गृहमन्त्री ओमप्रकाश अर्याल र ऊर्जा मन्त्री कुलमान घिसिङ रहेका छन् ।
गृहमन्त्री अर्यालले गृह मन्त्रालयका साथै कानुन मन्त्रालयको पनि जिम्मेवारी पाएका छन् । त्यसैगरी, ऊर्जा मन्त्री घिसिङलाई ऊर्जासँगै भौतिक पूर्वाधार तथा सहरी विकास मन्त्रालयको पनि जिम्मेवारी दिइएको छ ।
शपथ ग्रहणपछि उनीहरूले आजैदेखि आ-आफ्नो पदभार ग्रहण गर्नेछन् । शपथ कार्यक्रममा उपराष्ट्रपति रामसहाय प्रसाद यादव, राष्ट्रियसभाका अध्यक्ष नारायण दाहाल, पूर्व प्रधानमन्त्री बाबुराम भट्टराई, प्रधानन्यायाधीश प्रकाशमान सिंह राउतलगायत उच्च पदस्थ अधिकारीहरू र राजनीतिक व्यक्तित्वहरूको उपस्थिति थियो ।
प्रतिक्रिया दिनुहोस् !