२८ भदाै,बारा । देशमा उत्पन्न विषम परिस्थितिका कारण केही दिनदेखि अवरुद्ध रहेको कलैया उपमहानगरपालिकाको सेवा प्रवाह र शैक्षिक संस्थाहरूको पठनपाठन अब सुचारु हुने भएको छ।
उपमहानगरपालिकाले एक सूचना जारी गर्दै आइतबार, भदौ २९ गतेदेखि सबै सेवाहरू सामान्य अवस्थामा फर्किने जनाएको छ।
उपमहानगरपालिकाको नगर कार्यपालिका कार्यालय र मातहतका अन्य कार्यालयहरूबाट दिइने सबै सेवाहरू अब नियमित हुनेछन्। साथै, उपमहानगरपालिका भित्रका सम्पूर्ण शैक्षिक संस्थाहरू पनि आइतबारदेखि सञ्चालनमा आउनेछन्।
प्रमुख प्रशासकीय अधिकृत नाथु साहले हस्ताक्षर गरेको सूचनामा देशको परिस्थिति सामान्य भइसकेकोले सेवा र पठनपाठन सुचारु गर्ने निर्णय गरिएको उल्लेख छ। यो घोषणासँगै सर्वसाधारणले अब उपमहानगरपालिकाबाट लिने सेवाहरू सहजै प्राप्त गर्न सक्नेछन्।
प्रतिक्रिया दिनुहोस् !