२५ भदौ, काठमाण्डाैं । काठमाडौं उपत्यकाका विभिन्न स्थानमा गएराति भएका लुटपाट र तोडफोडका घटनामा संलग्न २१ जनालाई नेपाली सेनाले पक्राउ गरेको छ। उपत्यकामा सुरक्षा चुनौती बढेपछि सेनाले सुरक्षाको कमान्ड सम्हालेको हो।
पक्राउ पर्नेहरूमा काठमाडौं र भक्तपुरका राधेराधेस्थित भाटभटेनी सुपरमार्केट, हायात होटल र बौद्ध क्षेत्रमा लुटपाटमा संलग्न व्यक्तिहरू रहेका छन्। सेनाले उनीहरूलाई नियन्त्रणमा लिई थप अनुसन्धान गरिरहेको जनाएको छ।
देशमा बढ्दै गएका अराजक गतिविधि, लुटपाट, आगजनी र तोडफोडबाट सर्वसाधारणको जीउधनको सुरक्षा सुनिश्चित गर्न नेपाली सेनाले सुरक्षा कमान्ड सम्हालेको हो।
सेनाले नागरिकहरूलाई यस्ता विध्वंसात्मक गतिविधि देखिएमा तत्काल खबर गर्न पनि अनुरोध गरेको छ। सेनाको हटलाइन नम्बर ९८६३०२९०२९ को ह्वाट्सएप वा भाइबरमा म्यासेज पठाएर यसबारे जानकारी दिन सकिनेछ।
प्रतिक्रिया दिनुहोस् !