ईर्साद अन्सारी
२४ भदाै,बारा । बारा जिल्लाको कलैया उपमहानगरपालिका र जितपुरसिमरा उपमहानगरपालिकाका केही क्षेत्रमा भदौ २४ गते दिउँसो २ बजेदेखि बेलुका ८ बजेसम्म कर्फ्यू आदेश जारी गरिएको छ।
जिल्ला प्रशासन कार्यालय, बाराले स्थानीय प्रशासन ऐन, २०२८ को दफा ६ (क) बमोजिम यो आदेश जारी गरेको हो। कर्फ्यू लागेको क्षेत्रभित्र पासाहा खोला, गण्डक नहर, बडहर्वा चोक र दुर्गा माध्यमिक विद्यालयसम्मका चार किल्ला तोकिएको छ।
साथै, गण्डक नहरदेखि पथलैया सडक खण्डको राजमार्गको दायाँबायाँ २०० मिटर भित्र पनि आवतजावत, भेला, जुलुस वा प्रदर्शन गर्न पूर्ण रूपमा निषेध गरिएको छ।
यद्यपि, अत्यावश्यक सेवाका सवारी साधनहरू जस्तै एम्बुलेन्स, दमकल, शववाहन, स्वास्थ्यकर्मी, सञ्चारकर्मी, पर्यटक र कूटनीतिक नियोगका सवारी साधनहरूलाई भने आवतजावतमा सहजीकरण गरिनेछ। प्रमुख जिल्ला अधिकारी प्रकाश पौडेलले यसको पुष्टि गर्नुभएको छ।
प्रतिक्रिया दिनुहोस् !