२४ भदाै,काठमाडौं । १९ जना युवाको ज्यान गएपछि आक्रोशित बनेका नयाँ पुस्ता (जेन-जी)का युवाहरुले सरकारको कर्फ्यु आदेश अवज्ञा गर्दै आज बिहानैदेखि प्रदर्शन गरिरहेका छन् ।
सरकारको निषेधाज्ञालाई चुनौती दिँदै उनीहरू नयाँ बानेश्वरस्थित संसद भवनअगाडि भेला भएर प्रदर्शनमा उत्रिएका हुन् ।
अहिले संसद भवन परिसरमा नेपाली सेना, सशस्त्र प्रहरी र नेपाल प्रहरीको टोली तैनाथ गरिएको छ।
हिजो संसद भवनमा तोडफोड भएपछि आज भने सेना हतियारसहित बसिरहेको देखिन्छ। सुरक्षाकर्मीहरु तारबार व्यवस्थित गर्नमा व्यस्त छन्।
जिल्ला प्रशासन कार्यालय, काठमाडौंले आज बिहान साढे आठ बजेदेखि चक्रपथभित्र अनिश्चितकालका लागि प्रदर्शन, जुलुस वा भेला गर्न रोक लगाएको छ ।
तर प्रदर्शनकारीहरुले यो आदेशको ठाडो अवज्ञा गरिरहेका छन् । हिजो ज्यान गुमाएका आफ्ना साथी र आफन्तको न्यायका लागि उनीहरु सडकमा उत्रिएका हुन् ।
प्रतिक्रिया दिनुहोस् !