२३ भदाै,विराटनगर। इटहरीमा भइरहेको आन्दोलनले उग्र रूप लिएपछि स्थानीय प्रशासनले कर्फ्यू आदेश जारी गरेको छ। सुनसरीका प्रमुख जिल्ला अधिकारी (सीडीओ) धर्मेन्द्रकुमार मिश्रले अर्को सूचना जारी नभएसम्मका लागि इटहरी चोक र आसपासका क्षेत्रमा कर्फ्यू लगाएका हुन्।
’जेनजी’का युवाहरूले उपमहानगरपालिका कार्यालयमा आगजनी गरेपछि स्थिति थप तनावपूर्ण बनेको छ। प्रदर्शनकारी र सुरक्षाकर्मीबीच झडप हुँदा सो क्षेत्रमा हिंसात्मक घटना बढेको छ।
प्रशासनले शान्ति सुव्यवस्था कायम गर्न र थप क्षति हुनबाट रोक्नका लागि कर्फ्यू लगाएको जनाएको छ। हाल सुरक्षाकर्मीले कर्फ्यू क्षेत्रमा गस्ती बढाएका छन्।
प्रतिक्रिया दिनुहोस् !