२३ भदाै,काठमाण्साडाै । माजिक सञ्जाल बन्द गर्ने सरकारी निर्णयको विरोधमा देशभर जेन जी पुस्ता आन्दोलनमा उत्रिएको छ ।
यस क्रममा काठमाडौँमा भएको प्रदर्शनमा जेन जीका ९ जना प्रदर्शनकारीको मृत्यु भएको छ । उनीहरुमध्ये ५ जनाको राष्ट्रिय ट्रमा सेन्टरमा, २ जनाको सिभिल अस्पतालमा र १ जनाको घटनास्थलमै मृत्यु भएको प्रहरीले जनाएको छ ।
मृतकहरूको मुचुल्का उठाउन प्रहरी वृत्त जनसेवाबाट टोली पुगेको छ । आन्दोलनले उग्र रूप लिएपछि कास्कीमा पनि कर्फ्यू आदेश जारी गरिएको छ ।
त्यहाँ आन्दोलनकारीले गण्डकी प्रदेशका मुख्यमन्त्रीको कार्यालयमा आगजनी प्रयास गरेपछि प्रमुख जिल्ला अधिकारी रुद्रादेवी शर्माले शहीद चोक आसपासको क्षेत्रमा अर्को आदेश नभएसम्मका लागि कर्फ्यू जारी गरेकी छन् ।
यसैबीच, प्रधानमन्त्री केपी शर्मा ओलीले जेन जीको आन्दोलन र समसामयिक विषयमा छलफल गर्न साँझ ६ बजे मन्त्रिपरिषद्को बैठक बोलाएका छन् ।
आन्दोलनले देशव्यापी रूप लिएपछि प्रमुख प्रतिपक्षी दल नेपाली कांग्रेसले पनि सरकारलाई यो निर्णय फिर्ता लिन दबाब दिइरहेको छ । यसै सन्दर्भमा कांग्रेस सभापति शेरबहादुर देउवाले प्रधानमन्त्री ओलीसँग कुरा गर्ने तयारी गरेका छन् ।
प्रतिक्रिया दिनुहोस् !