१८ भदाै,काठमाडौं, नेपाल। प्रधानमन्त्री केपी शर्मा ओली आफ्नो औपचारिक चीन भ्रमण सकेर आज राति स्वदेश फर्किने भएका छन्।
परराष्ट्र मन्त्रालयका प्रवक्ता लोकबहादुर पौडेलका अनुसार, प्रधानमन्त्री ओली आज साँझ ८:३० बजे काठमाडौं आइपुग्नेछन्। उनी बेइजिङ अन्तर्राष्ट्रिय विमानस्थलबाट नेपालका लागि प्रस्थान गरिसकेका छन्।
गत शनिबारदेखि चीनको भ्रमणमा रहेका प्रधानमन्त्री ओली शांघाई सहयोग संगठन (एससीओ) को शिखर सम्मेलनमा सहभागी भएका थिए। यस क्रममा उनले चिनियाँ राष्ट्रपति सी जिनपिङ, रुसी राष्ट्रपति भ्लादिमिर पुटिन र भारतीय प्रधानमन्त्री नरेन्द्र मोदी लगायतसँग द्विपक्षीय भेटवार्ता गरेका थिए।
यस भ्रमणले नेपाल र चीनबीचको सम्बन्धलाई थप मजबुत बनाउनुका साथै क्षेत्रीय र अन्तर्राष्ट्रिय मञ्चमा नेपालको उपस्थितिलाई बढाउन मद्दत गरेको विश्वास गरिएको छ।
प्रतिक्रिया दिनुहोस् !