१० भदौ, काठमाडौं। मधेश प्रदेशको राजमार्ग सुरक्षा तथा ट्राफिक व्यवस्थापन कार्यालय, पथलैयाका प्रमुख तथा प्रहरी उपरीक्षक (एसपी) राजकुमार सिलवालमाथि आर्थिक अनियमितताको आरोप लागेको छ।
उनीमाथि लागेका आरोपहरूको छानबिनका लागि मधेश प्रदेश प्रहरी कार्यालयले समिति गठन गरेको छ।
मधेश प्रदेश प्रहरी कार्यालयका प्रमुख तथा प्रहरी नायब महानिरीक्षक (डीआईजी) उमा चतुर्वेदीले एसपी सिलवालमाथि छानबिन भइरहेको पुष्टि गरेका छन्।
उनले भन्ने “छानबिन समिति गठन गरेर अनुसन्धान अघि बढाएका छौँ। अहिले छानबिनकै क्रममा रहेकाले थप बताउने अवस्था छैन।”
स्रोतका अनुसार, एसपी सिलवालविरुद्ध ३५ वटा लिखित उजुरी परेका छन्, जसलाई पाँच मुख्य किसिममा वर्गीकरण गरिएको छ। यी उजुरीहरूको छुट्टाछुट्टै अनुसन्धान गर्नका लागि एसएसपी कमल थापा र एसएसपी भीम दाहालसहित पाँच जनाको नेतृत्वमा छुट्टाछुट्टै पाँच वटा समिति बनाइएको छ।
एसपी सिलवालमाथि लागेका आरोपहरूमा मादक पदार्थ सेवन (मापसे) गरेका चालकहरूलाई जरिवाना गर्नुको सट्टा रातभर नियन्त्रणमा राखेको र चालकहरूसँग रकम असुली गरेको लगायतका छन्।
यसका साथै, मापसे नगरेका चालकलाई समेत गाडी चलाउन दिई जरिवानाको चिट काटेर छाड्न भन्दा पनि नछाडी रातभर नियन्त्रणमा राखेको आरोप पनि उनीमाथि लागेको छ। यसबारेमा प्रदेश प्रहरी कार्यालयले निर्देशन दिँदा पनि उनले पालना नगरेको बताइएको छ।
यसैगरी, चोरीका सवारी साधनहरू नियन्त्रणमा लिएर भन्सारमा बुझाउनुको सट्टा आफैंले प्रयोग गरेको आरोपमा पनि उनीमाथि छानबिन भइरहेको छ। चोरीका गाडीहरू अनुसन्धान गर्नु ट्राफिक प्रहरीको कार्यक्षेत्रभन्दा बाहिर भए पनि उनले यस्तो गरेको उजुरी परेको थियो।
यसबाहेक, सुनौलो बिहानी ट्रान्सपोर्टका दुईवटा ट्रकलाई पथलैया चेकपोष्टबाट नियन्त्रणमा लिई ८ लाख रुपैयाँ असुलेर छाडेको आरोप पनि उनीमाथि छ। यो घटना गत साउन ११ गते भएको बताइएको छ। एसपी सिलवाललाई यसबारे लिखित जवाफ पेश गर्न समय समेत दिइएको छ। तर सुनाैलाे बहानीका संचालक जिराेबाट हिराेे भएकाे बताईन्छ ।
उनी पहिला बिरगञ्जमा रहेर एउटा पिसियाेमा काम गर्थे । तर भन्सार संसार बुझेका उनले सबै तस्करिका समान बैध बनाई उनी काठमाण्डाै सरेका हुन । उनकाे पनि सम्पति छानबिन हुन जरूरि रहेकाे केही ट्रान्सपाेर्ट ब्यवसायीले बताएका छन ।
प्रतिक्रिया दिनुहोस् !