९ भदाै,बारा । कलैया बिरगञ् सडकखण्ड अन्तर्गत पर्ने सिसहनिया चोकमा टाटा सुमो र मोटरसाइकल ठोक्किँदा एकजनाको मृत्यु भएपछि स्थानीय बासिन्दा आन्दोलित भएका छन्।
कलैया उपमहानगरपालिका-२३ निवासी उपेन्द्र राउत कुर्मीको मृत्यु भएपछि आक्रोशित स्थानीयले बैराठपुर चोकमा टायर बालेर प्रदर्शन गर्नुका साथै सडक अवरुद्ध गरेका छन्।
आइतबार राति करिब ९:४५ बजे कलैयाबाट वीरगन्जतर्फ जाँदै गरेको मोटरसाइकल र विपरित दिशाबाट आउँदै गरेको टाटा सुमो एकआपसमा ठोक्किँदा मोटरसाइकल चालक कुर्मी गम्भीर घाइते भएका थिए।
उनलाई तत्कालै उपचारका लागि वीरगन्जस्थित न्यूरो अस्पताल लगिए पनि डाक्टरले मृत घोषणा गरेका थिए।
स्थानीयले दोषीलाई कडा कारबाही, मृतकका परिवारलाई क्षतिपूर्ति, र बैराठपुरदेखि सिसहनियासम्मको सडक सुधारको माग गरेका छन्।
प्रतिक्रिया दिनुहोस् !