८ भदाै,रौतहट । रौतहटको गौरमा एउटा सुटकेसभित्र फेला परेको महिलाको शवको पहिचान खुलेको छ।
प्रहरीका अनुसार उक्त शव २६ वर्षीया रुबीकुमारी साहको हो। उनी गौर नगरपालिका-२, महादेवपट्टीकी बासिन्दा थिइन्।
गौर नगरपालिका-९, गौर सिरसिया सडकखण्डस्थित दिव्यज्योति स्कुलको गेट नजिकै एउटा सुटकेसभित्र डोरीले बाँधिएको अवस्थामा उनको शव भेटिएको थियो।
पारिवारिक स्रोतका अनुसार, उनी हिजो साँझ ६ बजेदेखि सम्पर्कविहीन भएकी थिइन्। ब्युटी पार्लर जान्छु भनेर हिँडेकी उनी त्यसपछि परिवारको सम्पर्कमा आउन सकेकी थिइनन्।
भारतको मुजफ्फरपुरमा विवाह भएकी रुबीकुमारी हाल माइतीमै बस्दै आएकी थिइन्। प्रहरीले घटनाको थप अनुसन्धान गरिरहेको जनाएको छ।
प्रतिक्रिया दिनुहोस् !