४ भदौ,बारा । रौतहटको गौर नगरपालिका-५, गौरीशंकर कलेजअगाडि छुरा प्रहारबाट एक युवकको हत्या भएको छ।
बुधबार दिउँसो २:४० बजेको समयमा भएको विवादका क्रममा यमुनामाई गाउँपालिका-५ का २२ वर्षीय सहाबुद्दीन मिया माथि छुरा प्रहार भएको जिल्ला प्रहरी कार्यालय रौतहटका प्रवक्ता डीएसपी राजु कार्कीले जानकारी दिएका छन्।
गम्भीर घाइते अवस्थामा रहेका मियालाई प्रादेशिक अस्पताल गौरमा उपचारका लागि लैजाँदै गर्दा बाटोमै उनको मृत्यु भएको डीएसपी कार्कीले बताए।
प्रहरीले घटनामा संलग्न भएको आरोपमा गौर नगरपालिका-३ का मनोज राम लाई पक्राउ गरेको छ। पक्राउ परेका राममाथि थप अनुसन्धान र कारबाही प्रक्रिया अगाडि बढाइएको प्रहरीले जनाएको छ।
यस घटनाले मधेस प्रदेशमा बढ्दो हत्या र हिंसाको ग्राफलाई थप उजागर गरेको छ, जसले गर्दा यस क्षेत्रको सुरक्षा व्यवस्थामाथि गम्भीर प्रश्न उठेको छ।
प्रतिक्रिया दिनुहोस् !