३ भदाै,बारा । बाराको फेटा गाउँपालिकाबाट लागूऔषध ब्राउन सुगरसहित एक महिलालाई प्रहरीले पक्राउ गरेको छ।
जिल्ला प्रहरी कार्यालय बाराका अनुसार, गोप्य सूचनाका आधारमा इलाका प्रहरी कार्यालय प्रसौनीबाट खटिएको प्रहरी टोलीले फेटा गाउँपालिका-१, त्रिवेणीटोलकी ४० वर्षीया पार्वती महतोलाई पक्राउ गरेको हो।
आज दिउँसो करिब २:५० बजे महतोको घरमा खानतलासी गर्दा प्रहरीले लुकाइराखेको अवस्थामा १० ग्राम १६० मिलिग्राम ब्राउन सुगर फेला पारेको थियो। प्रहरीले ब्राउन सुगरसहित महतोलाई पनि नियन्त्रणमा लिएर थप अनुसन्धान गरिरहेको जनाएको छ।
प्रतिक्रिया दिनुहोस् !