३० साउन,सर्लाही । सर्लाहीको हरिपुर्वा नगरपालिका-६ मा शुक्रबार राति अज्ञात समूहले चलाएको गोली लागेर एक जनाको मृत्यु भएको छ।
प्रहरीका अनुसार हरिपुर्वा-६ का ४० वर्षीय रामपुकार यादवलाई अज्ञात व्यक्तिहरूले टाउकोमा गोली प्रहार गरेका थिए। गोली लागेर गम्भीर घाइते भएका उनलाई उपचारका लागि जानकी हेल्थ केयर, पर्सा-महोत्तरी पठाइएको थियो।
अस्पताल पुगेपछि चिकित्सकले उनलाई मृत घोषणा गरेका थिए। मृतकको शव अहिले सोही अस्पतालमा राखिएको छ।
घटनामा संलग्न व्यक्तिहरूको पहिचान अझै हुन सकेको छैन। प्रहरीले यस विषयमा थप अनुसन्धान गरिरहेको जनाएको छ।
प्रतिक्रिया दिनुहोस् !