३० साउन,सप्तरी । सप्तरीको राजविराजमा नयाँ पत्रिका दैनिकका संवाददाता सौरभ यादवमाथि शुक्रबार बिहान तीन जनाको समूहले आक्रमण गरेको छ।
गजेन्द्रनारायण सिंह अस्पतालको दक्षिण गेट अगाडि भएको यो घटनामा यादवलाई चक्कु, बेल्ट र हेलमेटले प्रहार गरिएको थियो।
आक्रमणबाट यादवको टाउको र शरीरमा चोट लागेको छ र उनको सोही अस्पतालमा उपचार भइरहेको छ।
जिल्ला प्रहरी कार्यालय सप्तरीका प्रहरी नायव उपरीक्षक (डिएसपी) जितेन्द्र बस्नेतले आक्रमणमा संलग्नमध्ये एकजनाको पहिचान भइसकेको र उनको खोजी भइरहेको जानकारी दिनुभयो। उहाँले दोषीलाई कानुनअनुसार कडा कारबाही गरिने प्रतिबद्धता व्यक्त गर्नुभयो।
यो घटनापछि राजविराजका पत्रकारहरूले घटनाको निन्दा गर्दै दोषीमाथि तत्काल कारबाहीको माग गरेका छन्।
प्रतिक्रिया दिनुहोस् !